គេចាំបានផងដែរថា គ្រាប្រកាសទទួលស្វាគមន៍វត្តមានតារាចម្រៀង ព្រាប សុវត្ថិត្រូវបានធ្វើឡើង នៅសណ្ឋាគារលំដាប់ផ្កាយ៥ Garden City ខណៈដែលសិល្បករនៅកម្ពុជា ជាច្រើនត្រូវបានអញ្ជើញឲ្យចូលរួម។
ទោះជាយ៉ាងណា ទស្សនិកជន និងអ្នកគាំទ្របានថ្លែងការសាទរ និងស្វាគមន៍ការមកកាន់ទ្រនុំថ្មីរបស់តារាចម្រៀងរូបនេះ និងបានលើកឡើងថា ជើងខ្លាំងទាំងពីរដែលគេប្រដូចទៅនឹងខ្លានោះនៅតែជួបគ្នាក្នុងទ្រនុំតែមួយដដែល ដែលក្នុងកម្មវិធីនោះលោកឧកញ៉ា ព្រាប សុវត្ថិក៏បានបង្ហាញមុខផងដែរ។ តាមរយៈការបញ្ជាក់របស់អ្នកឧកញ៉ា ឡេង ណាវ៉ាត្រា បានលើកឡើងថា កម្មវិធីនេះមានការចូលរួមពីសំណាក់បុគ្គលិករបស់Galaxy Navatra Group ប្រមាណជាង១ពាន់នាក់ និងជាការជួបជុំប្រចាំឆ្នាំផងដែរ។
គេចាំបានថាតារាចម្រៀងមានងារជាឧកញ៉ា លោក ព្រាប សុវត្ថិបានចូលច្រៀងផលិតកម្មហង្សមាសនៅឆ្នាំ១៩៩៧។ ក្នុងរយៈពេល២៣ឆ្នាំមកនេះលោកបានបង្កើតស្នាដៃជាច្រើននៅក្នុងផលិតកម្មយក្សមួយនេះ ហើយប៉ុន្មានឆ្នាំមុននេះលោកបាននាំកូនប្រុសទាំងមកច្រកក្រោមទ្រនំហង្សមាស ហើយពេលនេះពួកគេក៏បានចាកចេញហើយដែរដែលនៅមិនទាន់ដឹងនៅឡើយទេថានឹងចូលជ្រកក្រោមទ្រនុំផលិតកម្មនេះដែរឬក៏យ៉ាងណា។ ខណៈដែលតារាចម្រៀងនិងជាអ្នកជំនួញដីល្បីឈ្មោះលោកឧកញ៉ា ខេមរៈ សិរីមិន្តវិញ បានជ្រកក្រោមដំបូលផលិតកម្មរស្មីហង្សមាសចាប់តាំងពីអំឡុងពាក់កណ្តាលខែសីហាឆ្នាំ ២០១៧ ក្រោយពីចាកចេញពីផលិតកម្មសាន់ដេ។
អ្វីដែលអ្នកគាំត្រចង់ឃើញនោះគឺការបកស្រាយនូវបទចម្រៀងរួមគ្នារវាងតារាចម្រៀង ខេមរៈសិរីមន្ត និងព្រាប សុវត្ថិ នៅថ្ងៃណាមួយផងដែរ៕
