ភ្នំពេញ៖ តាមប្រភពមួយបានផ្តល់ព័ត៌មានបឋមថា តារាសម្តែងស្រីអ្នកមេម៉ាយកូនមួយ វ៉ាន់ លីលី ត្រូវបានប៉ូលិសចាប់ខ្លួនពីបទឆបោក ការចាប់ខ្លួននេះ គឺបានធ្វើឡើង ខណៈ វ៉ាន់ លីលី ចេញពីនាយកដ្ឋានភាពយន្ត ។
ប្រភពខាងលើបន្តថាការចាប់ខ្លួនតារាសម្ដែងវ៉ាន់ លីលី គឺ ធ្វើឡើងជាច្រើនថ្ងៃហើយតែមិនបានសម្រេចព្រោះតែតារាសម្ដែងរូបនេះព្យាយាមគេចខ្លួន មិនព្រមចូលខ្លួនសងបំណុលម្ចាស់បំណុល ។
ទោះជាយ៉ាងណាក្ដី នៅមិនទាន់ទទួលដំណឹងច្បាស់ការណ៍ថាម្ចាស់បំណុលល្អរូបណាជាអ្នកដាក់ពាក្យបណ្ដឹងរហូតឈានចូលដល់ការចាប់ខ្លួនតារាសម្តែងស្រីវ៉ាន់លីលីនោះទេ ហើយក៏មិនដឹងថា ម្ចាស់បំណុលរបស់ លីលី សរុបមានចំនួនប៉ុន្មាននាក់នោះដែរ ។
គួរបញ្ជាក់ផងដែរថា ច្រើនខែកន្លងផុតទៅ ក៏ធ្លាប់មានម្ចាស់បំណុល កំណត់ដាច់អហង្ការអោយ វ៉ាន់ លីលី ត្រូវតែសងបំណុល រាប់ម៉ឺនដុល្លារម្ដងរួចមកហើយ បន្ទាប់មកក៏ស្ងប់ស្ងាត់។
និងក្រោយមកទៀតអ្នកប្រើប្រាស់បណ្ដាញសង្គមក៏ភ្ញាក់ផ្អើលព្រោះឃើញ លីលី មានការស្និទ្ធស្នាល និងហាក់ដូចជាជំនិតខ្លាំង ជាមួយនឹងមេតុងទីន ម៉ូ លីកា ដែលទើបតែត្រូវបានចាប់ខ្លួនថ្មីថ្មីពីបទឆបោក ។
ពេលនោះ វ៉ាន់ លីលី ទទួលបាននូវរថយន្តមួយគ្រឿងពីអ្នកនាងម៉ូលីកា ជាកាដូលើកទឹកចិត្តនៅក្នុងការសហការការងារជាមួយគ្នាបានយ៉ាងល្អ ។
ក្រោយមកទៀត វ៉ាន់ លីលី ក៏បានចុះកុងត្រាការងារជាមួយនឹងក្រុមហ៊ុនផលិតផលនៅក្រៅប្រទេស ដែលអ្នកនាង វ៉ាន់ លីលី បញ្ជាក់ថាតម្លៃខ្លួនរបស់អ្នកនាងក៏មិនតិចម៉ឺនដុល្លារនោះដែរ ។
តែក្រោយមកក៏ស្ងប់ស្ងាត់ ហើយបន្ទាប់ពី មេតុងទីនម៉ូលីកាត្រូវបានប៉ូលិសចាប់ខ្លួន វ៉ាន់ លីលី ក៏បង្ហាញមុខរបររបស់នាងក្រៅពីសម្ដែង គឺជាមេតុងទីន ។
យើងមិនដឹងថា ការងារជាមេតុងទីនរបស់ វ៉ាន់ លីលី ដំណើរការយ៉ាងណានោះទេ តែនៅលើបណ្ដាញសង្គមមិនធ្លាប់ឃើញអ្នកណាម្នាក់បង្ហោះថានាងមិនព្រមសងលុយឬជាជនឆបោកនោះទេ ស្រាប់តែនៅថ្ងៃទី7 មិនា 2023 នេះ ផ្ទុះដំណឹងដ៏ភ្ញាក់ផ្អើលថា តារា សម្ដែង វ៉ាន់ លីលី ត្រូវបានប៉ូលិសចាប់ខ្លួនពីបទឆបោក ។
យ៉ាងណាក៏ដោយជុំវិញរឿងរ៉ាវនេះ ស្រាប់តែនៅមុននេះ តារាសម្តែង លោក សុវណ្ណ សំណាង ដែលត្រូវជាគូស្នេហ៍ថ្មីរបស់អ្នកនាង លីលីបានចេញមុខបដិសេធរាល់ការចោទប្រកាន់ រឿងឆបោកលុយតុងទីន បេីតាមរយះអាខោនហ្វេសបុកឈ្មោះ LyLy Samnang បានបញ្ចេញសារថា ខ្ញុំបាទ សុវណ្ណគ្រួសារលីលី
សុំបដិសេដរាល់ការចោទប្រកាន់ រឿងឆបោកលុយតុងទីន ព្រោះខ្ញុំបាទបានទូទាត់រួចរាល់អស់ហើយ FB គាត់ខ្ញុំបាទកាន់៕
