ភ្នំពេញ៖ កាលពីកន្លងទៅ អ្នកលក់អនឡាញឈ្មោះ Maknita បានប្រកាសស្វែងរកបុរសដែលបីម្តាយក្នុងថ្ងៃសិទ្ធិិនារី ដើម្បីផ្តល់ប្រាក់លើកទឹកចិត្តចំនួន100$ហើយនៅពេលនេះ គាត់បានធ្វើតាមសន្យា បានជួបពួកគាត់ផ្ទាល់ហើយមិនត្រឹមតែឧបត្ថម្ភលុយ100$ទេ ថែមមានគ្រឿងអលង្ការមួយចំនួនថែមទៀត។
ថ្ងៃទី ០៨ ខែមីនា ឆ្នាំ២០២៣នេះ ប៊ូសស្រ្តងបានរៀបចំកម្មវិធីស្វែងរកបុរសខ្លាំងជាជ័យលាភី ឈ្នះរង្វាន់ឡានថ្មី ១គ្រឿង ក្នុងមហាព្រឹត្តិការណ៍បីស្រ្តីពិភពលោក២០២៣ ដែលព្រឹត្តិការណ៍ប្រកួតប្រជែងបុរសលើកបីស្រ្តីបានយូរបំផុត បីដោយសេចក្ដីពេញចិត្ត បីដោយសេចក្ដីស្រលាញ់ពេញបេះដូង បានស្វែងរកឃើញនូវជើងខ្លាំងបីបានយូររហូតដល់ទៅ៨ម៉ោង និង១៧នាទី។ជ័យលាភីលេខមួយនោះបានទៅលើបេក្ខជន យឹម សំអុល មកពីឈូកវ៉ាពីរ ហើយក៏ត្រូវបានគេស្គាល់ថាជាអ្នកស្រុកនៅខេត្តតាកែវ ឯកីឡាករល្បីឈ្មោះ ព្រំ សំណាងជាប់លេខ២ តស៊ូបានខ្វះបន្តិច៨ម៉ោង តែកម្មវិធីបានប្ដូរពីរង្វាន់ម៉ូតូ មកជាឡាន ដូចទៅនឹងកីឡាករលេខ១ដែរ ដូច្នេះត្រូវបានឡានទាំងពីរនាក់នេះតែម្ដង ។
យ៉ាងណាមិញកម្មវិធីបានបញ្វាប់យ៉ាងរលូនរកឃើញអ្នកឈ្នះរង្វាន់រួចរាល់បានទៅលើបេក្ខភាព2រូបចុងក្រោយ ដែលអាចតស៊ូបាននៅក្រោយគេរហួតដល់ទៅ៨ម៉ោង ប៉ុន្តែក្រោយចប់ការប្រកួតមហាជនពុកម៉ែបងប្អូនលេងបណ្តាញសង្គមជាច្រើន ផ្ទុះការសរសើរព្រោងព្រាតនិងបុរសម្នាក់ ដែលលោកបានជ្រើសរើសអ្នកម្តាយ ខុសពីអ្នកដទៃធ្វើអោយមហាជនជាច្រើនបានលើកឡើងថា មិនបានឈ្នះឡានតែបងប្រុសម្នាក់នេះបានធ្វើអោយ ប្រជាជនខ្មែរជាច្រើន គោរពស្រឡញ់គាត់។ បន្ថែមពីនេះ មតិសរសើរបានលើកឡើងថា ពិតជាកូនកតញ៉ូមែន បងប្រុសកំដរអ្នកម្តាយដើរលេងកំសាន្ត ក្នងថ្ងៃសិទ្ធិនារី ។
ក្រោយពីបានឃើញទឹកចិត្តដ៏ល្អប្រពៃបែបនេះភ្លាម ស្រាប់តែឃើញអាខោនហ្វេសបុកមួយឈ្មោះ Maknita Online Shopជាអ្នកលក់អនឡាញប្រកាស អោយបងប្អូនជួយស៊ែរ និងផ្តល់ប្រាក់ឧបត្ថម្ភដល់បុរសខាងចំនួន100ដុល្លារ បើតាមសម្តីសាររប់គាត់បានបង្ហោះមានខ្លឹមសារថា ជួយស៊ែយកតែបុណ្យទៅកូនៗ មានបងប្អូនណាស្គាល់កូនប្រុសម្នាក់នេះអត់ បើស្គាល់ប្រាប់ម៉ែអូខេកាយូផង ម៉ែចង់ជូនថវិកាគាត់តិចតួច 100$គេបីប្រពន្ធ គាត់សុខចិត្តបីម្ដាយ។
ជាក់ស្តែង អ្នកលក់អនឡាញ ម៉ាក់នីតា ជួបបុរសដែលបីម្តាយក្នុងថ្ងៃសិទ្ធិនារីហើយដោយគាត់បានបញ្ចេញសារមួយមួយថា បានជួបហើយប្អូនប្រុសដែបីម្តាយថ្ងៃ8មិនា អគុណបងប្អូនដែបានជួយស៊ែ អំពើល្អមិនសាបសូន្យ ។ យ៉ាងណាមិញក្រោយ បានជួបផ្ទាល់ហើយផ្តល់ប្រាក់លើកទឹកចិត្តចំនួន100$ហើយនោះ គាត់ថែមទាំង ឧបត្ថម្ភជាគ្រឿងអលង្ការ អ៉ីតាលី មួយចំនួនផងដែរ៕
