ភ្នំពេញ៖ ដំណឹងច្បាស់ការពាក់ព័ន្ធពិធីមង្គលការរបស់បវរកញ្ញាចក្រវាលកម្ពុជា ងិន ម៉ាត៉ាឌី នឹងត្រូវធ្វើឡើងនៅថ្ងៃទី០២ ខែមេសាឆ្នាំ ២០២៣ នៅអគារព្រីមៀសែនសុខ អគារ C។
កញ្ញាឯកចក្រវាឡកម្ពុជា២០២១ កញ្ញា ងិន ម៉ារ៉ាឌី បានសម្រេចចិត្តភ្ជាប់ពាក្យ ជាមួយកូនកំលោះសង្ហារលោក ទិត្យ វណ្ណណូរ៉ា ជាអាណិកជនរស់នៅសហរដ្ឋអាមេរិកកាលពីថ្ងៃទី២៤ ខែតុលា ឆ្នាំ២០២២ ។
គេចាំថាចំណងស្នេហាបវរកញ្ញាចក្រវាលកម្ពុជា ២០២១ ងិន ម៉ារ៉ាឌី និង គូស្នេហ៍ បានបង្ហាញពីភាពផ្អែមល្ហែមស្អិតល្មួតនឹងគ្នាខ្លាំងឡើងពីមួយថ្ងៃទៅមួយថ្ងៃ ដោយមួយរយៈចុងក្រោយនេះ គេឃើញអ្នកទាំងពីរបណ្ដើរគ្នាទៅណាមកណាយ៉ាងត្រសង និងទម្លាយសកម្មភាពផ្អែមល្ហែម តាមរយៈការង្ហោះរូបថតស្វីតៗនៅលើបណ្ដាញសង្គមឱ្យមហាជនបានឃើញពីភាពល្អូនល្អិនរបស់ពួកគេទាំងពីរ។ ដំណឹងដែលអ្នកគាំទ្រតែងសួរនោះគឺថ្ងៃណាពួកគេចូលរោងការពេលនេះបានបញ្ជាក់ហើយក្រោយពីអេដមីនទទួលបានលិខិតអញ្ជើញជាផ្លូវការដោយផ្ទាល់ពីកញ្ញាឯករូបនេះ។ ពិធីមង្គលការនេះនឹងត្រូវធ្វើឡើងនៅថ្ងៃទី០២ ខែមេសាឆ្នាំ ២០២៣នេះដែលនឹងរៀបចំធ្វើឡើងនៅអាគារព្រីមៀសែនសុខ អគារ C។
ពាក់ព័ន្ធពិធីមង្គលការខាងលើតាមប្រភពព័ត៌មានបានទម្លាយថា កម្មវិធីមង្កលការរបស់នាងក្នុងពេលដ៏ខ្លីខាងមុខនេះ ក្រោមវត្តមានភ្ញៀវចូលរួមមិនក្រោម២ពាន់នាក់ឡើយ។ ទោះជាយ៉ាងណាយើងអបអរសាទរចំពោះពិធីមង្គលជ័យរបស់កញ្ញា និងគូស្នេហ៍ ជូនពរឲ្យអ្នកទាំងពីរមានសុភមង្គលជានិច្ចនិរន្ត៍តរៀងទៅ៕
