អ្នកអត់គូ លួចច្រណែន ក្រោយឃើញ ថុល សុភិទិធ្វើរឿងបែបនេះនៅ សាធារណៈដាក់គូស្នេហ៍ខ្លួន
ជឿជាក់ថាទស្សនិកជនប្រាកដស្គាល់ពីតារាចម្រៀងសម្បូរស្នាមសាក់លោក ថុល សុភិទិ ហាក់ទទួលបានការចាប់ អារម្មណ៍ចំពោះជីវិតឯកជនជាងអាជីពសិល្បៈ ។ យ៉ាងណាមិញថ្មីៗនេះលោកតែងបង្ហាញក្តី ស្រឡាញ់ដោយបើកចំហចំពោះគូស្នេហ៍ជាអ្នកលក់អនឡាញរូបស្រស់សាច់សខ្ចី ឡុង ម៉ានីន ។
មិនតែប៉ុណ្ណាះថ្មីៗនេះ ថុល សុភិទិ បង្ហាញក្តីស្រឡាញ់ដល់គូស្នេហ៍ដោយការឱនពាក់ ស្បែកជើងឱ្យកណ្តាលទីសាធារណៈដែលឃើញហើយពិតជាធ្វើឱ្យនារីៗមិនតិចទេលួចច្រណែនចំពោះស្រីស្រស់ ឡុង ម៉ានីន ។
ថ្មីៗនេះគូស្នេហ៍របស់តារាចម្រៀង ថុល សុភិទិ បានចែករំលែករូបភាពមួយចំនួនតាមបណ្តាញ សង្គមដោយពួកគេបានបណ្តើរគ្នាចូលហាងទំនើបដើម្បីទិញសម្ភារៈមួយចំនួន ។
តែអ្វីដែល ធ្វើឱ្យអ្នកគាំទ្រចាប់អារម្មណ៍នោះគឺលោក ថុល សុភិទិ បានឱនពាក់ស្បែកជើងឱ្យគូស្នេហ៍ នៅកណ្តាលទីសាធារណៈដោយមិនខ្វល់ថាខ្លួនជាមនុស្សរបស់មហាជនឡើយ ។
អាកប្បកិរិ យារបស់អតីតបេក្ខភាពនៅក្នុងកម្មវិធី Cambodian Idol រូបនេះក៏ទទួលបានការសរសើរពី សំណាក់ហ្វេនៗជានារីភេទជាច្រើន។ មិនតែប៉ុណ្ណោះគេសង្កេតឃើញកញ្ចប់អីវ៉ាន់ជាច្រើន តម្រៀបគ្នាដែលស្រីស្អាត ឡុង ម៉ានីន បញ្ជាក់ថាជាសម្ភារៈដែលលោក ថុល សុភិទិ ទិញ ជូនរូបនាង ។
មិនត្រឹមបង្ហាញក្តីស្រឡាញ់ដល់គូស្នេហ៍ស្រីស្អាតសាច់ខ្ចី ឡុង ម៉ានីន ទេ លោក ថុល សុភិទិ ក៏តែងបង្ហាញក្តីស្រឡាញ់ដល់កូនស្រីរបស់គូស្នេហ៍ដូចកូនបង្កើតទៀតផង ។
ប៉ុន្តែយ៉ាងណា ក៏មានការសរសើរដល់លោក ថុល សុភិទិ ដែលមានគូស្នេហ៍ជាមេម៉ាយស្តុកដែលមានទាំង ព្រមមិនថារូបសម្បត្តិ ទ្រព្យសម្បត្តិ និងមុខជំនួញនៅក្នុងដៃនោះឡើយ ៕
