ភ្នំពេញ៖ នៅក្នងបណ្តាញសង្គមបានលេចេញជាមតិចម្រុះ បន្ទាប់ពីហាងាកាហ្វេ «ណ coffe» បានបញ្ចេញរូបភាព គំនូរនារីបុរាណខ្មែរ រួមមាន នាង សីតា, ព្រះនាង ឥន្រ្ទទេវី និងនាង ទាវ បានបង្ហាញពីឥរិយាបថមិនសមទំនង រហូតធ្វើឲ្យមានការរិះគន់ព្រោងព្រាត ក្នុងនោះមានដូចជាលោកស្រី ចន ច័ន្ទលក្ខិណា និងផេកក្រុមព្រះសូរិយា ជាដើម។
ការបញ្ចេញរូបភាពពីហាងកាហ្វេខាងលើគឺចំថ្ងៃ ៨មីនា សិទ្ធិនារីអន្តរជាតិ ដែលការបញ្ចេញរូបភាពនេះ ក្រោមប្រធានបទគំនូរ រឹងមាំ ទាន់សម័យ ឯករាជ្យ ។ លោកស្រីចន ច័ន្ទលក្ខិណា បានប្រតិកម្មថា កុំឆ្ងល់ថាហេតុអ្វីបានក្រសួងមានការតឹងរឹង ជាការគូររូបត្លុកដើម្បីទាក់ទាញក្នុងការធ្វើទីផ្សារ តែត្រូវគិតពីសីលធម៌ និងតំលៃនៃវប្បធម៌ផង។ ដោយឡែកចំពោះផេក ក្រុម ព្រះសូរិយាវិញ ក៏បានលើកឡើងដែរថា លើសពេកហើយទេដឹង !!!! នេះមិនមែនជាកាយវិការរបស់ស្ត្រីខ្មែរពីសម័យបុរាណទេ ។
អរគុណដែលចេះរកនឹកយកមកបង្ហាញពីទម្រង់សម្លៀកបំពាក់ជាលក្ខណៈខ្មែរ តាមសម័យកាល ។
សម្តេចតេជោទើបថ្លែង រឿងសម្លៀកបំពាក់ខុសទម្រង់ដើម ធ្វើអ្វីឲ្យរក្សាក្នុងទម្រង់ជាខ្មែរ កុំឲ្យច្រលំជាមួយប្រទេសជិតខាង បើផ្សព្វផ្សាយខុស កុំផ្សព្វផ្សាយល្អជាង នេះជាប្រសាសន៍របស់សម្តេច។
តើប្រិយមិត្តយល់យ៉ាងណា ចំពោះរូបភាពបែបត្លុកខាងក្រោមនេះ ដែលយកសុទ្ធតែកំពូលស្រ្តីខ្មែរពីសម័យអតីតកាលមកបង្ហាញក្នុងទម្រង់កាយវិការបែបមិនសមរម្យសោះ ។
ព្រះនាងឥន្រ្ទទេវី ជាព្រះសាកលវិទ្យាធិការិនីមុនគេ, នាងសិតា ជាតួអង្គដ៏សំខាន់ក្នុងរឿងរាមកេរ្តិ៍, នាងទាវ ជាតួឯកក្នុងរឿងទុំទាវ សុទ្ធតែតំណាងអោយស្ត្រីខ្មែរ គ្រប់ជំនាន់ ទាំងអស់។
ផ្ទុយពីមតិរិះគន់ក៏មានអ្នកខ្លះបានកោតសរសើរពីគំនិតច្នៃប្រឌិតចំពោះរូបភាពមួយនេះ ដោយបានលើកឡើងថា អ្វីទៅជាភាពឆ្នៃប្រឌិត ? អ្នកដែលគោរពស្រឡាញ់ បានជួយផ្សព្វផ្សាយអ្វីខ្លះហើយ ដើម្បីអោយគេស្គាល់ ពីប្រពៃណី និង វប្បធម៌ខ្មែរ៕
