ភ្នំពេញ៖ ជឿជាក់ថា ទស្សនិកជនប្រាកដជាស្គាល់ច្បាស់ពីយុវតី ឆោម ស្រីផាច ដែលល្បីល្បាញទទួលបានការគោរពស្រឡាញ់ពីមហាជនទាំងក្នុង និងក្រៅប្រទេសគ្រប់ស្រទាប់តាមរយៈការផលិតវីដេអូ ធ្វើម្ហូបអាហារ ប្លែកៗបែបស្រុកស្រែ ក្នុងបរិយាកាសធម្មជាតិ ទទួលបានការទស្សនាក្នុងមួយវីដេអូមួយវីដេអូរាប់លានដង ។
មជ្ឈដ្ឋានទូទៅបានកោតសរសើរចំពោះ សមត្ថភាពផលិតវីដេអូ និងការនិយាយស្តីបែបរដឺន ទាក់ទាញ ដែលអាចឆក់យកអារម្មណ៍អ្នកទស្សនា ឲ្យស្រឡាញ់ចូលចិត្តយុវតីស្រុកស្រែរូបស្រស់តាមបែបធម្មជាតិនេះ ។
ក្រោយពីល្បីកក្រើកនៅលើបណ្ដាញសង្គម ស្រីផាច ក៏មានឱកាស បានឡើងតាមកម្មវិធី និងកញ្ចក់ទូរទស្សន៍នានាជាបន្តបន្ទាប់ ពិសេស គឺកម្មវិធី អនឡាញល្បីៗ ក្រៅពីនិយាយបែបរដឺនស្តាប់មិនជិនណាយហើយនោះ ស្រី ផាច ក៏អាចបកស្រាយបទចម្រៀងបានយ៉ាងពីរោះ អ្វីដែលជាការចាប់អារម្មណ៍នៅពេលដែលឡើងកម្មវិធី 3fun ស្រីផាច នៅតែមិនតុបតែងខ្លួន ដោយចូលរួមកម្មវិធី យកសម្រស់ធម្មជាតិរបស់ខ្លួនមកបង្ហាញនៅក្នុងកម្មវិធីដ៏ល្បីល្បាញមួយនេះ ។
រហូតមកដល់ថ្ងៃទី11 មីនា 2023 នៅលើគណនីហ្វេសប៊ុកផេកផ្លូវការរបស់ឆោមស្រីផាច បានបង្ហោះរូបថតមួយសន្លឹក ដោយមានការតុបតែងខ្លួនយ៉ាងស្រស់ស្អាតប្លែកភ្នែកធ្វើឲ្យហ្វេនរបស់នាងស្រឡាំងកាំងនឹងសម្រស់ដ៏លេចធ្លោមិនធ្លាប់ប៉ះពាល់ក្រែមម្សៅរបស់នាង ។
នៅក្នុងចំណោមការខមមិនជាច្រើនពាន់នាក់ ក៏លេចវត្តមានតារាសម្តែងប្រុសជើងចាស់លោក សាវីន ហ្វីលីព ចូល Comment យ៉ាងកម្រដែរថា :
មើលអត់ចង់ស្គាល់ ធ្លាប់តែឃើញពាក់អាវការ៉ូចាស់ៗ ។
រូបភាពដ៏ស្រស់ប្លែកខាងលើនេះ ត្រូវបានអ្នកប្រើប្រាស់បណ្ដាញសង្គមចែករំលែកព្រោងព្រាតផងដែរ ៕
