លោក Frank Lampard នឹងត្រូវតែងតាំងជាអ្នកចាត់ការបណ្តោះអាសន្នរបស់ក្លិបតោខៀវ Chelsea រហូតដល់ចុងបញ្ចប់នៃរដូវកាលនេះគឺត្រឹមតែជាង២ឆ្នាំបន្ទាប់ពីក្លិបបណ្តេញគាត់ចេញ។ គាត់បានឈប់ពីការងារតាំងពីខែមករា ពេលគាត់ត្រូវក្លិប Everton បណ្តេញចេញបន្ទាប់ពីដឹកនាំមិនដល់១ឆ្នាំ។
អតីតខ្សែបម្រើក្លិប Chelsea និងអង់គ្លេសរូបនេះធ្លាប់គ្រប់គ្រងក្រុមតោខៀវពីខែកក្កដា ឆ្នាំ២០១៩ រហូតដល់ខែមករា ឆ្នាំ២០២១ នៅពេលដែលគាត់ត្រូវបានជំនួសដោយលោក Thomas Tuchel ។ អ្នកស្នងតំណែងរបស់លោក Tuchel គឺលោក Graham Potter ត្រូវបានបណ្តេញចេញកាលពីថ្ងៃអាទិត្យ។
Chelsea កំពុងឈរនៅលេខរៀងទី១១ក្នុងក្របខ័ណ្ឌ Premier League និងស្មើ ០-០ ជាមួយ Liverpool កាលពីថ្ងៃអង្គារក្រោមការដឹកនាំរបស់លោក Bruno Saltor ដោយមានលោក Lampard វ័យ៤៤ឆ្នាំចូលរួមនៅកីឡដ្ឋាន Stamford Bridge ។
ក្រុមតោខៀវមាន១៤ពិន្ទុនៅក្រៅក្រុមកំពូលទាំង៤ទោះបីជាបានចំណាយច្រើនជាង៥៥០លានផោនលើកីឡាករថ្មីក្នុងរដូវកាលនេះក៏ដោយ។ពួកគេធ្វើដំណើរទៅជួប Wolves ក្នុងក្របខ័ណ្ឌ Premier League នៅថ្ងៃសៅរ៍ និងប៉ះក្រុម Real Madrid ក្នុងជើងទី១ វគ្គ៨ក្រុមចុងក្រោយ Champions League នៅថ្ងៃទី១២ ខែមេសាខាងមុខ។
នៅក្នុងការដឹកនាំពីមុនរបស់គាត់នៅក្លិប លោក Lampard បានដឹកនាំ Chelsea ទៅវគ្គផ្តាច់ព្រ័ត្រ FA Cup ក្នុងការដឹកនាំរដូវកាលដំបូងរបស់គាត់ដោយបានចូលរួមពី Derby County។ Lampard ដែលជាអ្នកស៊ុតបញ្ចូលទីកំណត់ត្រារបស់ក្លិបបានដឹកនាំពួកគេឈ្នះ៤៤ លើកពី៨៤ប្រកួត ប៉ុន្តែបានឈ្នះ៥លើកក្នុងការប្រកួតលីកចំនួន៨ចុងក្រោយរបស់គាត់ ដែលច្រើនដូចកាលពី២៣លើកមុន។
បន្ទាប់ពីត្រូវបាន Chelsea បណ្តេញចេញពីតំណែង គាត់ត្រូវបានតែងតាំងជាគ្រូបង្វឹក Everton ក្នុងខែមករា ឆ្នាំ២០២២ ប៉ុន្តែត្រូវបានបណ្តេញចេញរយៈពេល៨ថ្ងៃយ៉ាងភ្ញាក់ផ្អើល បន្ទាប់ពីដឹកនាំក្រុមបរាជ័យ៩ដងក្នុង១២ប្រកួតនៅ Premier League ៕ (ប្រភព ៖ BBC)
