ភ្នំពេញ៖ បង្កើតឲ្យមាន ការចាប់អារម្មណ៍ខ្លាំង ក្រោយពីបុរសវ័យក្មេងម្នាក់អាចមាន សមត្ថភាពសំឡេង ច្រៀងបានដូចទៅនឹងតារាចំរៀងវណ្ណដា សឹងតែបេះបិទទៅហើយ ដែលបានធ្វើឲ្យអ្នកលេងបណ្តាញសង្គម មានការចែករំលែកបន្តព្រោងព្រាត។
ទស្សនិកជនប្រាកដជាសដឹងច្បាស់ថា វណ្ណដា ត្រូវបានគេចាត់ទុកជាតារាចំរៀងរ៉េបដែលមានឈ្មោះបោះសំឡេងទាំងក្នុងស្រុក និងប្រទេសជិតខាង។ មិនតែប៉ុណ្ណាះ លោកក៏ជាតារាចំរៀងរ៉េបដែលក្តោបបានស្ប៉តពាណិជ្ជកម្មជំៗជាច្រើនក្នុងតម្លៃខ្លួនខ្ពស់កប់ក្តោងតែម្តង ។
ខណ:កំពុងតែល្បីខ្លាំងមានអ្នកគាំទ្រច្រើនព្រោងព្រាតនោះ ស្រាប់តែមានផ្ទុះការចាប់អារម្មណ៍ខ្លាំងលើបុរសវ័យក្មេងម្នាក់ដែលមានគណនី តិកតុឈ្មោះ Chheng Hour Ny បានបង្ហោះវីដេអូច្រៀងចំរៀងបទរបស់តារាចម្រៀង វណ្ណដា ចាបលអារម្មណ៍ខ្លាំងក៏ព្រោះតែសំឡេងរបស់គាត់គឺស្រដៀងខ្លាំងទៅនឹងតារាចំរៀងរ៉េបល្បីឈ្មោះ វណ្ណដា ។
ជាមួយអារម្មណ៍ភ្ញាក់ផ្អើល អ្នកលេងបណ្តាញសង្គមបានបញ្ចេញអារម្មណ៍ពិតថា ពីរោះណាស់ ខ្ញុំស្តាប់សំឡេងគាត់ ច្រៀងពីរោះដូចបង វណ្ណដា ចឹង ដំបូងខ្ញុំគិតថា ប្រហែលមិនមែនជាសំឡេងគាត់ទេ ទាំងសំឡេងទាំងមុខមាត់ក៏ស្រដៀងវណ្ណដា និងនៅមានខំមិនជាច្រើមទៀតដែលរៀបរាប់មិនអស់ ៕
