ភ្នំពេញ៖ ថ្មីៗនេះនៅក្នុងបណ្តាញសង្គមមានការភ្ញាក់ផ្អើលខ្លាំង ជាពិសេសហ្វេនៗរបស់តារាចម្រៀងវណ្ណដា ក៏ព្រោះតែបែកធ្លាយនូវ រូបភាពជាច្រើនសន្លឹករបស់វណ្ណដា ជាមួយនារីស្រស់ស្អាតម្នាក់ថតកន្លែងតែមួយ ជាពិសេសនៅ Pethouse ដែលតារាចម្រៀងវណ្ណដា រស់នៅតែម្តង។ចំពោះអ្វីដែលទស្សនិជនជាច្រើនបានឆ្ងល់នោះគឺថាតើអ្នកណាញ៉ែអ្នកណាមុន?
ទស្សនិជកប្រាកដជាសដឹងច្បាស់ វណ្ណដា ត្រូវបានគេចាត់ទុកជាតារាចម្រៀងរ៉េបដែលមានឈ្មោះបោះសំឡេងទាំងក្នុងស្រុកនិងប្រទេសជិតខាង។ មិនតែប៉ុណ្ណាះលោកក៏ជាតារាចម្រៀងរ៉េបដែលក្តោបបានស្ប៉តពាណិជ្ជកម្មជំៗជាច្រើនក្នុងតម្លៃខ្លួនខ្ពស់កប់ក្តោងតែម្តង ។
តែដោយឡែកថ្មីៗនេះ អ្នកគាំទ្រកំពុងមានការសង្ស័យថាតារាចម្រៀងវណ្ណដាកំពុងតែមានទំនាក់ទំនង ស្នេហ៍ថ្មីជាមួយនារីស្រស់ស្អាតម្នាក់ដែលការបែកធ្លាយរូបគឺនៅក្នុងប្រព័ន្ធIG ។ ចំពោះមូលហេតុដែលធ្វើអោយមានការសង្ស័យនោះគឺដោយសារតែអ្នកគាំទ្រ ជាច្រើន បានចាប់បានភស្តុងតាងមួយចំនួនដែលមានលក្ខណ:ឯកជនរបស់ពួកគេ ថតនៅទីតាំងតែមួយ និងមានរូបភាពតូចៗនៅលើគណនីIG របស់ស្រីស្អាតរូបនេះ បង្ហាញថានាង បានថតរូបជិតស្និទ្ននិងតារាចម្រៀងវណ្ណដា។
ក្រោយផ្អើលពត៍មានបែកធ្លាយស្នេហា មានហ្វេនទៅសួរ ស្រីស្អាតដែលសង្ស័យជា ម្ចាស់បេះដូង វណ្ណដា ថា «អ្នកណាញ៉ែមុន»?
អាយដលថ្លៃ ឆ្លើយមួយម៉ាត់យ៉ាងខ្លី៖ «សម្រាប់ខ្ញុំ មិនដែលទៅរកអ្នកណាមុនឡើយ មនុស្សខ្ញុំ មានស្ដង់ដារ ធ្វើខ្លួនឲ្យទាក់ទាញ ល្អជាងចាប់អារម្មណ៍គេមុន» ៕
