ភ្នំពេញ ៖ ផ្ទុះការរិះគន់ជាខ្លាំងក្រោយគណៈកម្មាការនៅក្នុងកម្មវិធី Cambodia Got Talent នាយក្រឹមបានបង្ហាញការរើសអើងចំពោះភេទទីបីលោក ណុប ដាណេ ដែលជាម្ចាស់សម្អាងការដែលមានឈ្មោះល្បីនៅក្នុងសង្គមសិល្បៈក្រោយលោកបានបង្ហាញសមត្ថភាពនៅក្នុងកម្មវិធីមួយនេះ ។ ក្នុងនោះ នាយក្រឹម បានសង្កត់ធ្ងន់ថាមិនចង់ឱ្យមានប្រភេទមនុស្សភេទទីបីច្រើនព្រោះ មិនចង់ឱ្យបាត់បង់ធនធានមនុស្ស។ ជឿជាក់ថាអ្នកតាមដាននៅក្នុងកម្មវិធី Cambodia Got Talent ពិតជាបានជ្រាបហើយថា នាយក្រឹម បាននិយាយជាសាធារណៈទៅលើលោក ណុប ដាណេ ក្នុងគោលបំណងរើសអើងចំពោះភេទទីបី ដែលធ្វើឱ្យមានការរិះគន់ដល់តារាកំប្លែងចាស់វស្សារូបនេះពាសពេញបណ្តាញសង្គម។រហូតអ្នកខ្លះបានលើកឡើងថាឱ្យដក នាយក្រឹម ចេញពីគណកម្មាការនៅក្នុងកម្មវិធីCambodia Got Talent នេះថែមទៀត ។
យ៉ាងណាមិញនៅមុននេះ មានការចាប់ អារម្មណ៍យ៉ាងខ្លាំង ក្រោយពីអ្នក បង្កេីតមាតិកាល្បីឈ្មោះ ប៉ីបីឌីបាន ចេញមុខ ប្រតិកុម្មជុំវិញការលេីកឡេីយរបស់តារាកំប្លែងនាយ ក្រឹមហេីយក៏បានបង្ហាញការគាំទ្រទៅកាន់ តារាស្រី ពហុជំនាញ ខាត់ សុឃីមផងដែរ ដែលនាងបាន ចេញមុខ និយាយបន្តពីនាយក្រឹមក្នុងគោលបំណង ការពារដល់បងៗភេទទី3 ព្រោះអ្នកនាងក៏ប្អូនជាភេទទី៣ដូចគ្នា។
Pey Pey Dy បានលេីកឡេីងថា Respect បងឃីម ហើយសូមលោកពូក្រឡេកមើលភេទទី3មួយចំនួនធំ គេមានbusiness មានការងារល្អ មានចំណូល ចង់ពន្ធជូនរដ្ឋដូចគ្នា។ តើធនធានមនុស្សសំដៅតែចំពោះភេទប្រុសនិងភេទស្រី ឬយ៉ាងម៉េច? ក្រែងលោកពូ ធ្លាប់សម្តែងធ្វើជាភេទទី3ដែរតើ មិនចឹង? ភេទទី៣មួយចំនួន និយាយស្តីបានឆ្លងកាត់ខួរ និងមានសុជីវធម៌ ជាងមនុស្សប្រុសមួយចំនួនផង។ វាមិនអាស្រ័យលើភេទទេពូ វាអាស្រ័យលើខួរនិងទង្វើររបស់មនុស្ស ពូខ្លាចបាត់បង់ធនធានមនុស្សដោយសារមានភេទទី៣ច្រើន តែខ្ញុំខ្លាចមនុស្សនិយាយច្រើនបាត់ខួរ។
បន្ថែមនេះ pey pey Dy បានគាំទ្រ និងសរសរេីតារាស្រី ពហុជំនាញ ខាត់ សុឃីមថា Share ដោយការគោរពចំពោះបង ឃីម សក្តិ សមជាសិល្បករ និងជាគណកម្មការដែលមានចំណេះដឹង និងការស្រលាញ់ អរគុណបងដែលយល់ពីពួកខ្ញុំ។
ក្រោយកាលេីកឡេីងរបស់ peypey dyហេីយត្រូវបានមហាជននៅក្នុងបណ្តាញសង្គមជាច្រើនគាំទ្រនិងពេញចិត្តជាខ្លាំង តែក្នុងនោះគេមិនទាន់បានឃើញ នាយក្រឹម ឆ្លើយតបចំពោះការរិះគន់របស់Peypeydyឬមហាជននៅក្នុងបណ្តាញសង្គមឡើយ៕
