ភ្នំំពេញ ៖ បង្កេីតអោយមានការភ្ញាក់ផ្អេីល និងចាប់ អារម្មណ៍ ខ្លាំង នៅមុននេះ ក្រោយពីបានឃេីញ បេក្ខនារីម្នាក់ ដែលមានជំងឺ គ្រុនឈាម បានតស៊ូមកប្រលង ទាំងឈឺ តែត្រូវបាន ចំណាត់ការខាង មណ្ឌលដាក់អោយប្រលងនៅបន្ទប់ដាច់ដោយឡែក។
សម័យប្រលង សញ្ញាបត្រមធ្យសមសិក្សា ទុតិយភូមិ 06 វិច្ឆការ 2023 បេក្ខនារីខាងលេីគឺបានប្រលង នៅឯ មណ្ឌល វិទ្យាល័យ ទួលទំពូង ព្រោះតែមានជំងឺគ្រុនឈាម នាងត្រូវបាន ប្រធានមណ្ឌល អោយគាត់ទៅប្រលងនៅបន្ទប់ដាច់ដោយឡែក។ ក្រោយពីបានឃេីញបែបនេះហេីយបានធ្វេីអោយ មតិមហាជនជាច្រេីនមានការរំជួលចិត្ត ចូលទៅ បញ្ចេញយោគបល់ជូនពរដល់ប្អូនស្រី ព្រោងព្រាត អ្នកខ្លះបានចូលខំមិនថា ជូនពរអោយប្អូនស្រី ជោគជ័យលេីការប្រលង ជាពិសេស ឆាប់ជាសះស្បេីយពីជំងឺផងដែរ។
គួរបញ្ចាកថា នាព្រឹកថ្ងៃទី១ នៃដំណើរការសំណេរវិញ្ញាសា ការប្រឡងសញ្ញាបត្រមធ្យមសិក្សាទុតិយភូមិ មានភាពស្ងប់ស្ងាត់ និងសណ្ដាប់ធ្នាប់របៀបរៀបរយល្អទាំងនៅក្នុង និងក្រៅមណ្ឌល ដំណើរការប្រឡងបានប្រព្រឹត្តទៅតាមពេលវេលាដែលបានកំណត់។ វិញ្ញាសាទី១ នៅព្រឹកថ្ងៃទី១ នៃដំណើរការសំណេរពីម៉ោង ៧:៣០ ដល់ម៉ោង ៨:៣០ គឺមុខវិជ្ជាប្រវត្តិវិទ្យា សម្រាប់ថ្នាក់វិទ្យាសាស្ត្រ និងមុខវិជ្ជាផែនដី និងបរិស្ថានវិទ្យា សម្រាប់ថ្នាក់វិទ្យាសាស្ត្រសង្គម។
ក្រសួងអប់រំ យុវជន និងកីឡា សូមអំពាវនាវដល់បេក្ខជនទាំងអស់ ត្រូវគោរពបទប្បញ្ញត្តិនៃការប្រឡងឱ្យបានល្អប្រសើរ ជាពិសេសមិនត្រូវយកជាប់ខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ ករណីរកឃើញថាបានប្រព្រឹត្តផ្ទុយនឹងបទប្បញ្ញត្តិ និងកម្រិតវិន័យ បេក្ខជននឹងត្រូវបានកំណត់ឱ្យធ្លាក់ដោយស្វ័យប្រវត្តិ៕
