ថ្មីៗនេះ ខ្សែភាពយន្តខ្លីប្រភេទអប់រំមួយក្រោមចំណងជើង «ស្នេហាល្ងង់+ល្ងង់» ត្រូវបានមហាជនអ្នកប្រើប្រាស់បណ្ដាញសង្គមនាំគ្នាចែករំលែកតៗគ្នាព្រោងព្រាតពេញហ្វេសប៊ុក ដោយក្នុងនោះក៏មានមតិជជែកវែកញែក ដោយខ្លះបានលើកសរសើរពីភាពប៉ិនប្រសប់ក្នុងការសម្ដែងរបស់តួអង្គ ដាក់មនោសញ្ចេតនាបានល្អ ចំណែកមួយចំនួនទៀតក៏ហាក់រិះគន់ថាជារឿងស្រើបស្រាលជ្រុលជាដើម តែយ៉ាងណាខ្សែភាពយន្តនេះ ក៏បានកំណត់ដែលថា អ្នកមានអាយុក្រោម ១៨ ឆ្នាំ មិនអាចមើលខ្សែភាពយន្តមួយនេះបានទេ ព្រោះថារឿងនេះសម្រាប់អ្នក 18+ ប៉ុណ្ណោះ។
ដោយឡែកក្រឡេកទៅមើលតួអង្គប្រុសស្រីឯនោះវិញ ក៏ត្រូវបានមហាជនចាប់អារម្មណ៍ខ្លាំងណាស់ដែរ ដោយតួស្រីសម្តែងដោយ អូនហ្វា រីឯតួប្រុសមានការសម្តែងដោយ លោក ឡៅ បញ្ញា ដែលជាបុរសឯក Mister Supranational Cambodia 2021។
ជាក់ស្តែង លោក ឡៅ បញ្ញា ក៏កំពុងឆក់បានការអារម្មណ៍ខ្លាំងពីអ្នកគាំទ្រ ជាពិសេសនារីៗ ជាមួយនឹងរូបសម្រស់ដ៏ស្រស់សង្ហា ញញឹមស្រស់ មុនមាត់មានមន្តស្នេហ៍របស់លោក ដែលតែងបញ្ចេញរូបភាពបង្អួតសាច់ដុំធំៗ ជាមួយស្ទីលលេងខ្លួនប្លែកស្អាតៗ ជាហូរហែលើបណ្ដាញសង្គមនោះ។យ៉ាងណាមិញគេកត់សម្គាល់ថា សន្ទុះនៃការគាំទ្ររបស់ឡៅ បញ្ញាគឺខ្លាំងជាងគាត់កាលទៅប្រកួតលេីអន្តរជាតិនាឯប្រទេស ប៉ូឡូញទៀត។
គួរបញ្ចាក់ថា លោក ឡៅ បញ្ញា ត្រូវបានជ្រើសរើសតំណាង កម្ពុជា ទៅចូលរួមក្នុងកម្មវិធី Mister Supranational 2022 ដែលរៀបចំឡើងនៅប្រទេស ប៉ូឡូញ ។ លោកមិនត្រឹមតែមានរូបរាងស្រស់សង្ហានោះទេ លោកថែមទាំងមានចំណេះដឹង និងទេពកោសល្យខាងសម្តែង ដើរម៉ូដ និងជំនាញជាច្រើនទៀត៕
