ភ្នំពេញ៖ ជឿជាក់ទស្សនិកជនប្រាកដជាស្គាល់ច្បាស់ពីកូនប្រុសសង្ហាៗទាំងបីរបស់លោកឧកញ៉ា ព្រាបសុវត្ថិ ដោយមួយរយះចុងក្រោយនេះពួកគេហាកលស្ងាត់បាត់មុខពីវិស័យសិល្បះ ក៏ដូចជាមិនឃើញលេចមុខតាមការប្រគំតន្រ្តីដូចមុនឡើយ ។ ដោយកូនប្រុសទាំងបីរបស់ឧកញ៉ា ព្រាបសុវត្ថិ សុទ្ធសឹងតែជ្រកក្រោមផលិតហង្សមាស ។
យ៉ាងណាមិញ កាលពីកន្លងទៅថ្មីៗនេះ កូនប្រុសទី២ របស់ឧកញ៉ា ព្រាបសុវត្ថិ គឺ សុវត្ថិ មុនីនាគ បានប្រកាសចាកចេញ ពីផលិតកម្មហង្សាជាផ្លូវការហើយលោកក៏បានក្លាយជាតារាចម្រៀងឯករាជ្យផងដែរ។
ដោយឡែកនៅមុននេះកាន់តែភ្ញាក់ផ្ញាក់ផ្អើលខ្លាំង បន្ទាប់ពីកូនប្រុសច្បងសុវត្ថិមុនីវណ្ណបានចេញមុខប្រកាសពីកាចប់កុងត្រាជាមួយក្រុមហ៊ុនហង្សមាស ដោយលោកបានបញ្ចាក់បន្ថែមថា ឆ្នាំ2023ខាងមុខនេះ រូបលោកនឹងមានអ្វីថ្មីប្លែក សម្រាប់ផ្តល់ជូនដល់អ្នកគាំទ្រ។ តារារូបនេះបានរៀបរាប់ថា ជម្រាបសួរបងប្អូន ខ្ញុំបានចប់កុងត្រា នៅក្រុមហ៊ុនហង្សមាសហើយ ។
សម្រាប់ 2023 ខាងមុខនេះនឹងមានអ្វីថ្មីជាច្រើនសម្រាប់បងប្អូន😍😎❤️ ៕
